स्वतःचा शोध घेत
रुळलेल्या वाटांनी
सहज सोप्या सगळ्या
वाटा
काही वळणं अवघड,
अनवट
शोध घेत तरीही तसाच
शोध घेत तरीही तसाच
चुकार वळणं
वाटेवरची
अंतर्यामी ओळख पटवत
जाणवले काही नसानसांतून
नको, नको हा निग्रह
वरवर
उसळून येते
अथांगतेतून
अबोध रसायन सावध,
उत्कट
जाणीवेतून साकारलेली
अतीव मोहक मोहफुले
ती
अज्ञाताच्या
प्रवासातली
सुखद हवीशी, अबोल
सोबत.
-अनन्या.
कोणत्याही टिप्पण्या नाहीत:
टिप्पणी पोस्ट करा