प्राजक्त

अनावृत्त थेट जगण्याला भिडताना    

photo source internet

ओघळलेले घाम अश्रू

बंद ओठाआड सारतांना

अनुभवाच्या आकाशात

स्वच्छंद भिरभिरणारं

स्वप्नवेडं मन

क्षणांच्या कुपीतून

अलगद शोषून घेतं

मकरंद स्वत:साठी..

आपल्या भिरभिरत्या पंखांनी

आकाश कवेत घेता घेता

घाम आणि अश्रूंची

कधी चांदणस्पर्शी फुलं होतात

आणि मनाच्या अंगणात

त्यांचाच प्राजक्त बहरतो रोज सकाळी!  

-अनन्या