एक
नातं सृजनाचं,
पानाच्या
देठाशी
जसं
झाडाच्या मुळांचं.
एक नातं नाविन्याचं,
कोरेपणाच्या
स्पर्शाशी
जसं
खोल श्वासाचं.
एक नातं विश्वासाचं,
नवजात
तान्हुल्याचं अन
मऊ
कुशीतल्या उबेचं.
एक नातं समजुतीचं
डोळ्याच्या
पापण्यांशी
जसं
गाढ झोपेचं.
एक नातं सुरांचं
गाणाऱ्याच्या
गळ्याशी
जसं बेभान तानांचं!
एक नातं आपल्या दोघांचं
कितीतरी
स्मृतींचं अन्
विविधरंगी
धाग्यांचं!
-अनन्या
कोणत्याही टिप्पण्या नाहीत:
टिप्पणी पोस्ट करा